Афғонистон ёшлари «дрон» ихтиро қилишди

Афғонистон Техник ва касб-ҳунар таълими бошқармаси талабалар жамоаси учувчисиз учиш аппарати яратишга муваффақ бўлишди.

Жорий йилнинг 5 февраль куни кафедранинг Twitter'даги саҳифасида эълон қилинган видеода ушбу дронни талабалардан бири бошқараётганини кўриш мумкин.

Ушбу видеодаги талабалардан бири бу ҳақида шундай дейди: «Бу бизнинг жамоамиз қурган учувчисиз учадиган самолётлардан бири ва у икки километргача уча олади. Бу дрон келажакда тасвирга олиш учун ишлатилиши мумкин».

Бунгача Афғонистон Техник ва касб-ҳунар таълими бошқармасида 30 кишидан иборат ишчи гуруҳ томонидан беш йил ичида спорт автомобили ясалган эди.

Ушбу машина Кобулда 2022 йил 29 декабрда намойиш этилганди. “Замин” янгиликларини “Telegram”да кузатиб боринг