АҚШ ҳарбийлари президент Жо Байденнинг буйруғига биноан жума куни Аляска яқинида 12,2 минг метр баландликда жойлашган учувчи қурилмани уриб туширди. Унинг парчалари денгизга тушган.
Бу ҳақда жума куни Оқ уй Миллий хавфсизлик кенгашининг стратегик алоқалар бўйича координатори Жон Кирби журналистлар учун ўтказилган брифингда маълум қилди.
“Тасдиқлашим мумкинки, Мудофаа вазирлиги сўнгги 24 соат давомида Аляска ҳаво ҳудудида учаётган объектни кузатган. Объект 40 минг фут (12,1 минг метр) баландликда учаётган ва фуқаролик парвозлари хавфсизлигига жиддий таҳдид солган. Эҳтиёт чораси сифатида, Пентагон маслаҳати билан, президент Байден ҳарбийларга объектни уриб туширишни буюрди, у бизнинг сув ҳудудимиз устида бўлган", деди координатор.
Унинг қўшимча қилишича, Қўшма Штатлар уриб туширилган Хитой шаридан анча кичик бўлган қурилма қолдиқларини топишни режалаштирмоқда. Оқ уй вакилининг таъкидлашича, қурилма ҳақида ҳеч қандай маълумот йўқ.
Шу билан бирга, Қўшма Штатлар қурилма қайси давлатга тегишли эканини ҳали аниқламаган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
