Украина ташқи ишлар вазири: Ҳозир урушни дипломатия йўли билан тўхтатиб бўлмайди

^{Дмитрий Кулеба / Фото: Ouest-France}
Украина ташқи ишлар вазири Дмитрий Кулебанинг фикрича, ҳозирда Украинадаги урушни дипломатик йўллар билан тугатишга эришиб бўлмайди.

«Менга дипломатик ташаббуслар орқали тинчликка эришмоқчи бўлганлар ёқади, чунки мен ўзим дипломатман. Лекин бундай ташаббус қандай амалга ошиши мумкин? Тинчлик баҳоси Россия томонидан босиб олинган ҳудудларда қолиши керакми?» - деди Кулеба Funke медиа-гуруҳи нашрлари ва Франциянинг Ouest-France газетасига берган интервьюсида.

«Россия билан ҳар қандай музокаралар бошида қуйидагилар бўлиши керак: Украинанинг ҳудудий яхлитлиги тўлиқ тикланиши. Буни муҳокама қилиб бўлмайди», - деди у.

Кулебанинг сўзларига кўра, тинчлик ва дипломатия тарафдорларининг кўпчилиги «аслида фақат Украина Россиядан мағлуб бўлишини хоҳлайди». “Замин” янгиликларини “Telegram”да кузатиб боринг