Президент Владимир Путин Федерал Мажлисга мурожаатида яна Ғарбни можарони қўзғатган ва кескинлаштирганликда айблади. Унинг айтишича, Москва урушни «тинч йўл билан ҳал қилишга чин дилдан интилмоқда».
«Украинага «махсус ҳарбий операция»ни давом эттирамиз. Биз Украина халқи билан урушаётганимиз йўқ, улар Ғарб давлатларининг қўлидаги гаровга айланган», – дейди Путин.
У, шунингдек, ўз нутқида ҳалок бўлган рус ҳарбий хизматчилари ва кўнгиллиларнинг оилаларига ҳар томонлама ёрдам кўрсатилишини маълум қилди. Бироқ россиялик қурбонлар сонига аниқлик киритмади.
Шу билан бирга, президентнинг сўзларига кўра, мисли кўрилмаган санкцияларнинг Россия иқтисодиётига таъсири ўтган баҳорда кутилганидан анча кам сезилган. Иқтисодиётнинг кўплаб тармоқларида, аксинча, мисли кўрилмаган юксалиш кузатилмоқда.
«Иқтисодиётимиз қулашини башорат қилишган эди. Йил охирида ялпи ички маҳсулот 2,1 фоизга камайди», – дейди у.
Путин ўз нутқи сўнгида Россия Стратегик ҳужум қуролларини қисқартириш бўйича АҚШ билан имзоланган шартномадан чиқишини, аммо бу бутунлайга эмаслигини, яъни вақтинчалик тўхтатиб турилишини маълум қилди. Унинг сўзларига кўра, ҳозирда Қўшма Штатлар ядро қуролининг янги турларини яратмоқда, шу сабабли ҳам Россия ядровий синовларни ўтказишга тайёр бўлиши керак.
«Агар Қўшма Штатлар ядровий қуролни синовдан ўтказса, биз ҳам буни амалга оширамиз. Ҳеч кимда глобал стратегик вазиятнинг барбод бўлиши мумкинлиги ҳақида қараш бўлмаслиги керак», – дея қўшимча қилган Путин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
