Илон Маск шахсий самолётдаги парвозлар сони бўйича барча миллиардерларни ортда қолдирди

Фото: Bloomberg

Америкалик бизнесмен, Tesla ва SpaceX асосчиси ва бош директори Илон Маск 2022 йилда шахсий самолётда 171 та парвозни амалга оширди, бу барча миллиардерлар орасида рекорддир. Бу ҳақда Bloomberg хабар берди.

Унинг энг яқин рақобатчиси Меtа асосчиларидан бири ва унинг бош директори Марк Цукерберг йилига 115 марта парвоз қилган.

Кейинги ўринларда Google асосчилари Ларри Пейж ва Сергей Брин (85 рейс) ва Oracle асосчиларидан бири Ларри Эллисон (82 парвоз).

Маск эгалик қиладиган бешта компания — Tesla, SpaceX, Twitter, The BoringCompany ва Neuralink штаб-квартиралари “Техасдан Калифорнияга қадар чўзилган” (яъни бутун АҚШ бўйлаб тарқалган).

Агентлик таҳлил қилган парвоз маълумотларига кўра, Маскнинг парвозлари кўпинча бир штаб-квартирадан бошқасига амалга оширилган.

Шундай қилиб, ўтган йил давомида миллиардер 600 минг километрдан ортиқ масофага “учди” ва унинг энг қисқа парвози 13 дақиқа давом этди. Бу SpaceX штаб-квартираси жойлашган Ҳаwтҳорне шаҳридан 10 километрдан камроқ масофада жойлашган Лос-Анжелес халқаро аэропортига амалга оширилган май ойидаги парвоз эди.

Жорий йилнинг 28 февраль куни Илон Маск Bloomberg талқини бўйича дунёнинг энг бой одамлари рейтингида яна биринчи ўринга қайтди.

Агентлик томонидан тадбиркор Илон Маскнинг бойлиги 187,1 миллиард долларга баҳоланди, бунинг ҳисобига Tesla ва SpaceX раҳбари сайёранинг энг бой одамлари рейтингида яна биринчи ўринга қайтди. У Louis Vuitton компанияси президенти (185,3 миллиард доллар) Бернард Арнодан ўзиб кетди.

Агентлик буни Tesla акциялари қийматининг йил бошидан деярли 70 фоизга ошгани билан изоҳламоқда. Компания, шунингдек, арзон нархларда электр транспорт воситаларини сотишни яхшилади.

Янгиликлар