Қозоғистон ва Туркманистон Аёлларнинг глобал тинчлик ва хавфсизлик индекси (WPС Index) рейтингида 59 ва 60-ўринларни эгаллаб, Марказий Осиёдаги энг хавфсиз давлатлар сифатида тан олинди.
Жоржтаун аёллар, тинчлик ва хавфсизлик институти (АҚШ) томонидан нашр этилган WPС индекси дунёнинг 170 та давлатидаги аёллар ҳолатига оид маълумотларни тўплайди.
Индексда Ўзбекистон 74, Тожикистон 85, Қирғизистон 97-ўринни эгаллаган.
WPС индексининг етакчилари Норвегия, Финляндия, Исландия, Дания ва Люксембург мамлакатлари бўлиб турибди. Афғонистон, Сурия, Яман, Покистон ва Ироқдаги вазият эса энг катта ташвиш келтириб чиқармоқда.
Февраль ойида Numbeo таҳлилий хизмати жиноят даражаси бўйича давлатларнинг 2023 йилги рейтингини тузганди. Ўзбекистон 142 мамлакат ичида 104-ўринни эгаллаган.
“Замин” янгиликларини “Telegram”да кузатиб боринг
