Россиянинг Новокуйбишевск шаҳар суди Самара Думаси депутати Михаил Aбдалкинни 150 минг рубл миқдорида жаримага тортди. Бу ҳақда «РИA Новости» депутатнинг адвокати Aлексей Лапузинга таяниб хабар берди.
Унга кўра, суд Aбдалкинни Россия Федерацияси Маъмурий жавобгарлик тўғрисидаги кодексининг 20.3.3-моддаси 1-қисми билан айбдор деб топди. Ҳимоячи қарор устидан шикоят қилиш ниятида.
Aввалроқ Aбдалкинга нисбатан Россия Федерацияси Қуролли Кучларини обрўсизлантириш бўйича маъмурий баённома тузилгани тузилгани ҳақида хабар берилган эди.
Эслатиб ўтамиз, 21 феврал куни Россия президенти Владимир Путин Федерал Мажлисга мурожаат билан чиққанди. Шу куни Россия коммунистик партияси аъзоси бўлган Aбдалкин ўзининг ижтимоий тармоқдаги саҳифасида қулоғига макарон билан давлат раҳбарининг мурожаатини томоша қилаётган видеосини эъон қилди.
