Президент Владимир Путин Россия Беларусда тактик ядро қуролини жойлаштиради, деганидан кейин НАТО Россияни «хавфли ва масъулиятсиз» ядровий риторика учун танқид қилди. Бу ҳақда 26 март, якшанба куни Reuters агентлиги хабар берди.
«НАТО ҳушёр ва биз вазиятни диққат билан кузатиб боряпмиз. Россиянинг ядро сиёсатида бизни ўзимизникини ўзгартиришга мажбур қиладиган ўзгаришларни кўрмаяпмиз», - деди альянс вакили.
Путиннинг Россия Беларусда ядро қуролини жойлаштираётгани, чунки НАТО давлатлари ҳам уларни ўз ҳудудларида жойлаштираётгани ҳақидаги тушунтириши «бутунлай чалғитади», дея қўшимча қилди альянс. «НАТО иттифоқчилари ўз халқаро мажбуриятларига тўлиқ амал қилмоқда. Россия қурол назорати бўйича ўз мажбуриятларини мунтазам равишда бузди, охирги пайтларда янги СҲҚ шартномасидаги иштирокини тўхтатди», — деди НАТО вакили.
Бир кун аввал Путин Россиянинг Беларусда тактик ядро қуролини жойлаштиришини айтган эди. Унинг сўзларига кўра, гап тактик ядро қуролини ташишга қодир 10 та самолёт ва «Искандар» ракета тизими ҳақида кетмоқда. Бундан ташқари, 2023 йил июль ойида Беларусда тактик ядровий қуролларни сақлаш омбори қурилиши якунланади, деди Путин. Унинг сўзларига кўра, Россия АҚШ НАТО мамлакатларида «ўнлаб йиллар давомида қилган ишни амалга оширяпти» - тактик ядро қуролларини жойлаштирмоқда.
“Замин” янгиликларини “Одноклассники”да кузатиб боринг
