Россия фойдасига жосуслик қилганликда айбини тан олган шахс 10 йилга озодликдан маҳрум этилиши мумкин. Гданск туман прокуратурасининг хабар беришича, у январь ойидан буён Полшадан қўним топган.
Гданск туман прокуратураси матбуот котиби Гражина Вавринюкнинг сўзларига кўра, жиноятчи ўтган сешанба куни қўлга олинган. У аллақачон 3 ойга вақтинча ҳибсга олинган. Унга 10 йилгача қамоқ жазоси берилиши мумкин.
Терговчиларнинг хулосасига кўра, эркак россияликларга, жумладан, Поморск ва Куявско-Поморском воеводаликларидаги муҳим инфратузилма ҳамда хавфсизлик учун масъул хизматлар фаолияти тўғрисидаги маълумотларни тўплаган ва етказган.
Сўроқ пайтида қўлга олинган шахс жосуслик фаолиятига иқрор бўлди. У, шунингдек, Россия разведкаси томонидан ёлланган вазиятини ҳам тавсифлаб берди.
Тергов маълумотларига кўра, гумонланувчи Полшада жосуслик фаолиятига кўндирилган. Эркак камида 2023 йил январидан бери Россия хизмати топширган вазифаларни бажариб келган, дея тушунтирди прокурор Вавринюк.
Прокуратура ҳибсга олинган шахс (унинг ёши, миллати ва ҳ.к.) ва қандай шароитларда ҳибсга олингани ҳақида батафсил маълумотни ошкор этмайди.
Вазир ўринбосари, махсус хизматлар мувофиқлаштирувчиси Станислав Жарин бугун Беларус махсус хизматларида ишлаган яна бир хорижлик қўлга олинганини маълум қилди.
“Тўпланган материаллар гумонланувчи Полша Республикаси хавфсизлиги учун муҳим бўлган объектлар, жумладан, Полша Қуролли кучлари билан боғлиқ объектлар бўйича разведка ишларини олиб борганини кўрсатади”, дейилади хабарларида.
"Март ойи ўрталарида Полша разведка хизматлари Россия учун ишлаган жосуслик тармоғини йўқ қилганини аниқланди. Гуруҳ мамлакатимизда қўпорувчилик фаолиятига тайёргарлик кўриши керак эди. Ички ишлар бошқармаси ходимлари мазкур ҳолат юзасидан 6 кишини қўлга олиб, тармоқ фаолияти муносабати билан мамлакатимизнинг темир йўллари ва муҳим инфратузилма объектларида юқори даражадаги ҳушёрлик режими жорий этилди", дейилади хабарда.
“Замин” янгиликларини “Telegram”да кузатиб боринг
