Россия президенти Владимир Путин келаси ҳафта Хавфсизлик кенгашининг тўлиқ йиғилишини чақиради.
Бу ҳақда Путиннинг матбуот котиби Дмитрий Песков маълумот берган. Кенгашнинг бундай форматдаги йиғилиши охирги марта 2022 йил октябр ойида бўлган.
«Ҳа, Хавфсизлик Кенгаши режалаштирилган. Мавзуни кейинроқ маълум қиламиз», — деди Дмитрий Песков Кремлга яқин ОАВларга.
Мавзу Украинадаги урушнинг боришига алоқадорлиги эҳтимоли жуда катта.
2 апрел куни намойиш этилган «Москва. Кремл. Путин» кўрсатувида ҳам Россия раҳбари «катта Хавфсизлик кенгаши» йиғилишини ўтказиши айтилган.
Одатда Россия президентининг Хавфсизлик Кенгаши аъзолари билан учрашувлари мунтазам равишда ўтказилади: бундай учрашувлар қоида тариқасида, ҳафтада бир марта бўлади.
Кенгашнинг тўлиқ форматдаги мажлислари унинг барча аъзолари иштирокида ўтказилади. Хавфсизлик Кенгашига ҳуқуқ-тартибот идоралари раҳбарлари, президентнинг ваколатли вакиллари, парламент палаталари раҳбарлари киради.
“Замин” янгиликларини “Telegram”да кузатиб боринг
