Россия президенти Владимир Путин кеча, 17 апрел куни Днепр қўшинлари гуруҳининг Херсон йўналишидаги қароргоҳига ташриф буюрди. Бу ҳақда Кремль сайтида хабар берилган.
Давлат раҳбари штабда Ҳаво-десант қўшинлари қўмондони, генерал-полковник Михаил Теплинский, Днепр кучлари гуруҳи қўмондони, генерал-полковник Олег Макаревич, шунингдек, бошқа ҳарбий раҳбарларнинг ҳисоботларини тинглаган.
Путин Херсон вилоятига биринчи марта ташриф буюрди. Аввалроқ у март ойида Мариуполга борганди.
Маълум қилинишича, Путин Херсонга вертолётда борган, шундан сўнг у машинада бир неча туманларни айланиб чиққан.
Ушбу ташриф бугунга қадар сир тутилди. Кремль матбуот котиби Дмитрий Песков Путиннинг бу сафари дастлаб режалаштирилмагани ва ўз-ўзидан содир бўлганини айтди.
“Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
