Жангчилари Донецк вилоятининг Бахмут шаҳрида кўп ойлардан бери украиналик аскарларга қарши жанг олиб бораётган "Вагнер" хусусий ҳарбий компанияси (ХҲК) раҳбари Евгений Пригожин яқинда ХҲК ўз фаолиятини тўхтатиши мумкинлиги ҳақида фикр билдирди. "Бугун биз "Вагнер" ХҲК қисқа вақт ичида ўз фаолиятини тўхтатади, деган хулосага келяпмиз", деди у россиялик блогер Семён Пегов билан 28 апрел, жума куни кечқурун ижтимоий тармоқларда чоп этилган интервюсида.
"Биз тарихда қоламиз. Ҳечқиси йўқ, шундай бўлади", - деди Пригожин. Ижтимоий тармоқларда эълон қилинган видеоклипдан маълум бўлишича, ХҲК раҳбари ўз шахсий армиясининг тугатилишини Россия Мудофаа вазирлиги ёлланма аскарларга ўқ-дорилар етказиб бермаётгани билан боғлади.
Бу Пригожиннинг “снаряд очлиги” ҳақида шикоят қилиши ва Россия ҳарбий раҳбариятининг алоҳида аъзоларини “мамлакат манфаатларига хиёнат қилишда” айблаши бўйича биринчи ҳолат эмас. Айни пайтда у қачон баёнот бергани номаълум. Унинг ўзи ҳам ҳозирча ОАВнинг айтилганларга изоҳ бериш ҳақидаги сўровларига жавоб бермади.
Reuters агентлигининг қайд этишича, Евгений Пригожин кескин ва истеҳзоли баёнотлари билан танилган, шунинг учун унинг баёноти қанчалик жиддий бўлганини ҳозирча айтиш мумкин эмас. Куни кеча у Украина ҳарбийларига шаҳарни америкалик журналистларга кўрсатишга рухсат бериш учун унинг бўлинмалари Бахмутни ўққа тутишни тўхтатаётгани ҳақидаги ўз хабарини рад этди. Бир неча соат ўтгач, у бу шунчаки "ҳарбий ҳазил" эканлигини айтди.
“Замин” янгиликларини “Telegram”да кузатиб боринг
