“Вагнер” хусусий ҳарбий компанияси асосчиси Евгений Пригожин снарядлар йўқлиги сабаб жангчиларини Бахмутдан олиб чиқишини айтди. У тегишли мурожаатида Россия мудофаа вазири Шергей Шойгу ва Бош штаб бошлиғи Валерий Герасимовга таҳдид қилиб, ўн минглаб ҳалок бўлганлар учун улар жавобгарликка тортилишини айтди.
Пригожин шу йўсинда президентлик кампаниясини бошлаб юбордими? Украиналик депутат, журналист Вадим Денисенко тегишли масала бўйича ўз фикрини билдирди.
Денисенконинг сўзларига кўра, Пригожин президентлик кампаниясини бошлади. Аммо битта кичик “лекин”и бор: унинг ўзи мазкур кампанияни бошлаганини билмайди. Ҳозирча буларнинг барчаси рақибларининг “тасаввурида” гавдаланмоқда.
“Ҳозирча Пригожин Россия президенти Владимир Путинга мухолифатчи эмас. У ҳокимият тақиқламаган ҳамма нарсани қилди ва қилмоқда. Аммо бошқа сиёсий ўйинчилардан фарқли ўлароқ, у иккита афзалликка эга: у ҳақиқатни айтади ва ҳақиқатан ҳам қандайдир миссияни амалга оширади. Лекин такрор айтаман: у мухолифатчи эмас”, — дейди Денисенко.
Сўнгги ҳафталарда Пригожин ва Россия мудофаа раҳбарияти ўртасида маълум бир сулҳга ишора бўлди. Ушбу сулҳнинг ҳозирда дарз кетгани икки нарса билан боғлиқ: “Вагнер” сафидаги ёлланма аскарлар камаймоқда ва Пригожин аста-секин Донбассдаги ҳаракатларни қисқартиришга тайёргарлик кўра бошлади. Ғалабасиз кетиш мумкин эмас, шунинг учун айбдорларни излаш керак.
Иккинчи сабаб: унга Судандаги ҳарбий можарога аралашиш имконияти берилмаяпти, деган шубҳалар бор (у ерда уни махсус кучлар бошлиғи, Кремлда эса амалдаги ҳукумат қўллаб-қувватлайди).
Судан можаронинг қўшни ҳудудларга тарқалиб кетиш хавфи билан Африкадаги янги қайноқ нуқтага айланиши мумкинлиги ҳисобга олинса, бу масала чуқурроқ ўрганишни талаб қилади.
Хўш, ҳозирги босқичда Пригожиннинг мақсади нима?
У Донбассдаги урушдан чиройли ва сиёсий йўқотишларсиз чиқиш имкониятини қўлга киритмоқчи. Жасадлар тасвирланган видеолар бу одамлар ҳақида эмас (у ҳар куни юзлаб шундай эркакларни шафқатсизларча ўлимга юборади).
“Бу унинг сиёсий келажаги ҳақида кетмоқда. Иккинчи вариант эса Донбассда қолиш, бироқ қамоқхоналарнинг инсон ресурсларига кириш”, — дейди украиналик журналист.
Биз қанчалик хоҳламайлик, ҳозирча у Россиядаги президентлик сайловлари ҳақида умуман ўйламайди. Эндиликда унинг учун энг муҳим нарса рус жамиятига юқори даражадаги ишончни ва Африкадаги таъсирини сақлаб қолиш.
“Унинг атрофида Африка қуёши остида ‘Вагнер’ ўрнини эгаллашни хоҳлайдиган янги ва душман хусусий ҳарбий компаниялар саф тортмоқда”, — дея хулоса қилган Денисенко.
Бугунги кун тартибини айнан шу икки нарса ташкил қилади. Кейинчалик нима бўлишини, Евгений Пригожин ҳақиқатан ҳам юқори даражадаги сиёсий амбицияларга эга бўладими ёки йўқлигини айтиш жуда қийин.
Гарчи бу мавзу бўйича қуруқ муҳокама бугунги кунда Пригожин билан уришаётган ҳар бир киши учун фойдали. У ҳақиқатан ҳам ҳисоблашишга арзийдиган даражада катта, лекин мустақил ўйинчи сифатида кичиклик қилади. Шу боис у ҳали ҳам Путинга қарши мухолифатчи бўлишдан қўрқади. Жисмоний йўқ қилиш таҳдидигина Пригожинни бунга қаршилик қилишга чорлаши мумкин.
“Замин” янгиликларини “Telegram”да кузатиб боринг
