НАТО Осиё давлатларини ўз сафларига қабул қилишдан бош тортган ҳолда Европа ва Шимолий Америка давлатларининг бирлашмаси бўлиб қолишини маълум қилди. Бу ҳақда альянс бош котиби Йенс Столтенберг The Washington Post газетасига берган интервьюсида айтиб ўтган.
«НАТО Шимолий Америка ва Европанинг иттифоқи бўлиб қолади, у Осиё аъзолари билан глобал иттифоққа айланмайди. Бизнинг жамоавий хавфсизлик кафолатимиз НАТО ҳудудига тааллуқлидир», – деган Столтенберг.
Маълумот учун, ҳозирда 31 давлат НАТОга аъзо. Финляндия 2023 йил 4 апрелда НАТОга аъзо бўлган охирги давлат ҳисобланади. НАТО ҳозирда 2018-йил декабрь ойида НАТОга аъзолик бўйича ҳаракатлар режасини қабул қилган Босния ва Герцеговинани, Грузия, Украина ва Швецияни альянс аъзолигига номзод сифатида тан олади.
“Замин” янгиликларини “Telegram”да кузатиб боринг
