Украина армиясининг бир қисми, НАТО мамлакатларида ўқитилган янги бўлинмалари ҳужумга “тайёр”, дея маълум қилди Украина президенти Володимир Зеленский.
Бироқ, армияга ҳали ҳам “бир нарса”, жумладан, “партиялар билан келаётган” зирҳли машиналар талаб этилади.
"Бизда мавжуд бўлган нарсалар билан олдинга силжишимиз мумкин, менинг фикримча, муваффақиятга эришамиз, - деди у Британия нашрларига берган интервюсида. - Аммо биз кўп одамларни йўқотамиз. Менимча, бу қабул қилиб бўлмайдиган нарса. Шунинг учун биз кутишимиз керак. Бизга ҳали яна бироз вақт талаб этилади".
Киев халқаро ҳамкорлари билан фаол ишламоқда, Украина учун “янги мудофаа пакетлари”ни келишиб олинмоқда. Бу ҳақда Украина президенти Володимир Зеленский ватандошларига анъанавий видеомурожаатида айтиб ўтди.
"Янги ечимлар - аллақачон иш даражасида. Осмонимиз учун кўпроқ ҳимоя, ердаги мудофаа ва ҳаракатимиз учун кўпроқ имкониятлар...", деди Зеленский.
Унинг сўзларига кўра, 10 май куни у шу мавзуда бир неча учрашувлар ўтказган ва яқин келажакда “ҳамкорлардан жавоб қадамларини” кутмоқда.
Жо Байден президент сайловида мағлубиятга учраган тақдирда Украина АҚШ қўллаб-қувватлашини йўқотиши мумкинлиги ҳақидаги саволга Владимир Зеленский ўша вақтгача урушда ғалаба қозонишга ишонишини айтди.
“Ким билади, биз қаерда бўламиз? Ўшангача ғалаба қозонишимизга ишонаман”, — деди у.
АҚШда сайловлар 2024 йил 5 ноябрда бўлиб ўтиши режалаштирилган.
“Замин” янгиликларини “Telegram”да кузатиб боринг
