Ангела Меркель 2005 йилдан 2021 йилгача Германия канцлери лавозимида ишлади. 2021 йил сентябрида у парламент сайловларида қатнашишдан бош тортди ва сиёсатдан кетишини маълум қилди. Аммо у Германия тарихидаги биринчи ва ягона аёл канцлер бўлиб қолди.
Кўплаб немислар уни “мути” — она деб аташади. Барча немислар учун она мақомида бўлса-да, Меркелнинг фарзанди йўқ. Уларнинг ўрнини ҳақиқатан ҳам немис халқи, шунингдек, унинг иккинчи эри Иоахим Зауэрнинг болалари эгаллайди.
Меркелнинг фарзанд кўрмаганининг ўз сабаблари бор. 23 ёшида унга бепуштлик ташхиси қўйилади. Меркель бир неча бор энг яхши клиникаларда даволанган, аммо ҳеч бири натижа бермаган.
Миш-мишларга кўра, Меркелнинг биринчи турмуш ўртоғи, кимёгар Улрих Меркель билан ажрашишига асосий сабаб фарзандсизлик бўлган. Шунинг учун ажрашиш Ангелага жуда оғир ботган, эри эса бундан афсусланмаган.
Айтишларича, Меркель собиқ эри билан бўлган травматик вазият туфайли Германияда суррогат оналикни тақиқлаган — ушбу процедурани амалга оширадиган шифокор 3 йилгача қамоқ жазосига ҳукм қилиниши мумкин.
Миш-мишларга кўра, Улрих Меркелнинг иккинчи рафиқаси ҳам фарзанд кўролмаган, кейин улар суррогат она хизматидан фойдаланишган. Ангела буни эшитгач, ғазабланади ва суррогатликни тақиқлаш тўғрисидаги қонун лойиҳасини таклиф қилади.
Бироқ бу шунчаки ғийбат. Расмий маълумотларга кўра, бундай хизматни тақиқлаш сабаби бошқа. Суррогатлик Европанинг кўплаб ривожланган мамлакатларида, шунингдек, АҚШнинг баъзи штатларида ҳам тақиқланган.
Хусусан, Германия парламентининг 1991 йилда бу борадаги расмий позицияси:
“Суррогат оналик бола руҳиятига зиддир, чунки у ва уни кўтарувчи она ўртасидаги психоижтимоий муносабатлар ҳисобга олинмайди. Туғилгандан сўнг чақалоқни онадан олиб қўйиш иккаласи учун ҳам салбий оқибатларга олиб келиши мумкин”.
Германия канцлери Ангела Меркель “Христиан-демократик иттифоқ” партиясида сиёсий юксакликка эришди. Шунинг учун у ҳаёт ҳомиладан бошланади деган диний эътиқоднинг вориси эканлиги мантиқан тўғри, яъни эмбрион билан ҳар қандай "ғайритабиий" манипуляциялар қабул қилиниши мумкин эмас.
“Замин” янгиликларини “Telegram”да кузатиб боринг
