Украина қачон НАТОга кириши мумкинлиги айтилди
Украина 2023 йилда эмас, 2024 йилда Вашингтонда бўлиб ўтадиган саммитда НАТОга таклифнома олиши мумкин.
Бундай фикрни мамлакат Олий Радасининг НАТО Парламент Ассамблеясидаги доимий делегацияси раҳбари Егор Чернев билдирган.
«Аниқ саналар кўрсатилган таклиф, менимча, 2023 йилда бўлмайди. Аммо умид қиламанки, Вашингтонда бу биринчи рақамли савол бўлади», деган у.
Шу билан бирга, Чернев Киев Вилнюсда «хавфсизлик кафолатлари» олишига умид қилмоқда.
«Хавфсизлик НАТОга тўлақонли аъзо бўлгунимизча кафолатланади. Бу, менимча, биз бугун Вилнюсдаги саммитда эриша оладиган максимал кўрсаткичдир», — деди у.
Унинг сўзларига кўра, Украина Ғарб давлатларидан қуролли можаро тугаганидан кейин НАТОга қўшилиш ҳақида кафолат олмоқчи.
Изоҳлар 0
…