157
«Катта еттилик» давлатлари етакчилари Украинани Россия агрессиясини қайтаришда «қанча керак бўлса, шунча вақт» қўллаб-қувватлашига ишонтирди. Бу ҳақда 29 май, шанба куни эълон қилинган «Катта еттилик» саммитининг Хирошимадаги коммюникесида айтилади.
«Биз яна бир бор Россиянинг Украинага қарши тажовузкор урушини кескин қоралаймиз. Украинани кенг қамровли, адолатли ва мустаҳкам тинчликка эришиш учун қанча керак бўлса, шунча вақт уни собит қўллаб-қувватлашимизни яна бир бор тасдиқлаймиз», дейилади ҳужжатда.
Бундан ташқари, «Катта еттилик» Украинага дипломатик, молиявий, ҳуманитар ва ҳарбий ёрдамни кучайтириш, шунингдек, Россияга ёрдам берганлар учун «нархлар»ни ошириш тарафдори эканликларини билдирди. Шу билан бирга, «Катта еттилик» давлатлари етакчилари Россия урушни тўхтатиб, Украинадан қўшинларини олиб чиқиб кетиши учун Хитойни Москвага босим ўтказишга чақирди.
«Биз Хитойни ҳудудий яхлитликка, БМТ Низоми тамойиллари ва мақсадларига, жумладан, Украина билан тўғридан тўғри мулоқотга асосланган кенг қамровли, адолатли ва мустаҳкам тинчликни қўллаб-қувватлашга чақирамиз», — дейилади ҳужжатда.
Хирошимадаги G7 етакчилари саммитининг якуний куни арафасида президент Зеленский Японияга учиб борди. 21 май, якшанба куни у амалий учрашувларда иштирок этади, деб ёзади Reuters.
Украина раҳбари G7 етакчилари билан ҳафта бошида эълон қилинган «қирувчи самолётлар коалицияси»ни тузиш масаласини ҳам муҳокама қилиши кутилмоқда. Буюк Британия ва Нидерландия Украина учун АҚШда ишлаб чиқарилган F-16 қирувчи самолётларини сотиб олишга ва учувчиларни ўқитишга келишиб олганликларини билдирди. ОАВ хабарларига кўра, машғулотлар Европада бўлиб ўтади, яқин ҳафталарда бошланади ва бир неча ой давом этади.
«Замин»ни Telegram’да ўқинг!
22:11, 8-05-2025
