Украина “урушда ғалаба қозониб, тинчликни бой бермаслик” кайфиятида. Мамлакат келгусида НАТО ва Европа Иттифоқига қўшилиши сценарийсига ишонади, бу эса ҳарбий ҳаракатлардан кейин демократик ривожланиш, ислоҳотлар, сармоя киритиш ва давлатни тиклашни англатади. Украинанинг собиқ президенти Пётр Порошенко Киев хавфсизлик форумида шундай фикрларни билдирди.
Иккинчи сценарий Украинага хавфсизлик кафолатларини тақдим этишни назарда тутади, аммо “у ҳолда нима қилинмасин Будапешт меморандумининг нусхаси бўлиб қолаверади”. Бундай сценарийда Украина, энг яхши ҳолатда, жанговар ҳаракатларни давом эттириш учун қурол олади, дейди сиёсатчи. У бундай сценарийни Исроил билан қиёслади.
“Аммо бу ҳеч қачон тугамайдиган уруш дегани ва украиналиклар бунинг оғир бадалини тўлайди. Фарқимиз — Исроил Ғазо билан урушмоқда, биз эса дунёдаги иккинчи йирик ядровий давлат билан урушяпмиз”, — деб тушунтирди Порошенко. “Харажат ва қурбонлик бошқача бўлади. Шу сабабли, ҳеч қандай хавфсизлик кафолатларини Украина томонда бўлган сценарий деб ҳисоблай олмаймиз”.
Учинчи вариант ҳам бор, деб давом этди у. Воқеаларнинг учинчи сценарий асосида ривожланиши билан Украина ҳеч бир альянсга аъзо бўлмаган Афғонистонга ўхшаб қолади, унда Ғарб қуроллари бўлмаган, хавфсизлик кафолатларисиз диктатура юзага келади.
Аввалроқ Украинанинг амалдаги президенти Владимиз Зеленский Россия қўшинлари тўлиқ олиб чиқилгандан кейингина урушни дипломатик йўл билан ҳал қилиш мумкинлигини айтганди.
«Замин» янгиликларини «Вконтакти»да кузатиб боринг
