Кеча, 3 май куни тунда Россия армияси Днепр вилоятига ракета зарбаси берди.
Днепропетровск вилояти полиция бошқармаси бошлиғи Сергей Лысакнинг сўзларига кўра, 20 киши жароҳат олган, ҳозирда вайроналар остига қолган одамларни қутқариш ишлари олиб борилмоқда.
«Ракета зарбаси оқибатида камида 20 киши жароҳат олди, уч нафар боланинг аҳволи оғир, улар операция қилинмоқда. Ҳозиргача жами 17 киши касалхонага ётқизилган. Қутқарувчилар вайроналар остидан одамларни қидиришни давом эттирмоқдалар, у ерда яна болалар бўлиши мумкин», — дея маълум қилди Сергей Лысак.
Маълумотларга кўра, Россия ракетаси Днепр чеккасидаги икки турар-жой биноси орасига келиб тушган. Натижада бинолар қулаб тушган ва ёнғин содир бўлган. Украина Фавқулодда вазиятлар бўйича давлат хизмати ходимлари тўрт кишини вайроналар остидан олиб чиқилганини маълум қилди. Воқеа жойида 85 нафар қутқарувчи ва 18 бирлик махсус техника ишламоқда.
Россия ва Украина уруши “Замин” янгиликларини “Инстаграм”да кузатиб боринг
