Фото: “ТАСС”
Корея халқ демократик республикаси ўз суверенитети ва келажагини “империалистлардан ҳимоя қилаётган” Россия халқини тўлиқ қўллаб-қувватлайди ҳамда уларга фаровонлик ва ғалаба тилайди. Бу ҳақда Шимолий Корея етакчиси Ким Чен Иннинг Россия президенти Владимир Путинга Россия куни муносабати билан йўллаган табригида айтилади.
“Ўртоқ Ким Чен Ин бугунги кунда Россия халқига ортиб бораётган таҳдидлар, мамлакат суверенитети, хавфсизлиги ва тинч ҳаётига путур етказишга уринаётган душман кучлари чақириғига қарши кураши янги муҳим босқичга ўтаётганини таъкидлади. Ўртоқ Ким Чен Ин халқимиз Россиянинг суверен ҳуқуқ ва манфаатларини империалистларнинг ўзбошимчаликларидан ҳимоя қилишдек муқаддас ишни амалга оширишга интилаётган Россия халқини ҳар томонлама қўллаб-қувватлашини ва уларга бирдамлик изҳор этишини қайд этди”, — дейилади Корея марказий телеграф агентлиги чоп этган хабарда.
Ким Чен Ин ўз мактубида “адолат ҳар доим ғалаба қозонади, рус халқи эса ғалабада давом этади” деб қўшимча қилган.
Шунингдек, у КХДР ва Россия халқлари ўртасидаги дўстлик ҳар икки давлат учун “қимматли стратегик бойлик”ка айланганини таъкидлаган. КХДР раҳбарининг сўзларига кўра, у Пхеньян ва Москва ўртасидаги яхши қўшничилик муносабатлари ва стратегик ҳамкорликни янада мустаҳкамлашга тайёр.
Октябрь ойида Ким Чен Ин Владимир Путинни 70 ёшга тўлгани билан табриклаб, унинг “кучли Россияни барпо этишдек буюк стратегик мақсад”га эришишдаги муваффақиятини қайд этганди.
Эслатиб ўтамиз, Шимолий Корея Украинанинг Донбасс ҳудуди, Запорожье ва Херсон вилоятларининг Россияга қўшиб олинишини қўллаб-қувватлаган.
“Замин” янгиликларини “Одноклассники”да кузатиб борингCtrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Трамп Эрон томонидан ўлим таҳдиди ҳақида огоҳлантирилди
Ўзбекистон Туркманистон ва Туркия билан мудофаа соҳасида ҳамкорлик қилади
Оятуллоҳ Хоманаий: “Йўқотишларга қарамай, “Ҳизбуллоҳ” кучли бўлиб қолади”
Швеция Эронни Қуръон ёқиб юборилгани учун қасос олганликда айбламоқда
Кунига нечта олма ейиш мумкин? Оммабоп меванинг зарарли хусусиятлари
Дунёдаги энг бахтли шаҳарлар рейтинги эълон қилинди
Хитой қитъалараро баллистик ракетани илк бор оммавий синовдан ўтказди
Ҳиндистон БМТни ислоҳ қилишга чақирди