Америкалик миллиардер Илон Маск Украина Қуролли кучларининг қарши ҳужуми доирасида жанг майдонидаги йўқотишларига изоҳ берди. Тегишли изоҳ миллиардернинг Twitter’даги саҳифасига жойланди.
Унинг сўзларига кўра, Leopard 2 каби оз сонли танкларни танкга қарши қуроллар ва миналар ёрдамида йўқ қилиш мумкин.
“Кичик миқдордаги танклар танкга қарши қуроллар ва миналар томонидан осонликча йўқ қилинади”, — деган Маск.
Миллиардер бундай танклар “ё кўп” бўлиши, ёки умуман “бўлмаслиги” кераклигини айтади.
Май ойи охири ҳолатига кўра, Ғарб давлатлари Киевга 60 га яқин Leopard 2 танкларини етказиб берган. Февраль ойида Германия Иқтисодиёт вазирлиги Украинага 178 тагача Leopard 1А5 танкларини беришни маъқуллаган.
Россия Мудофаа вазирлиги Украина армияси Южно-Донецк ва Запорожье йўналишларида ҳужум уюштиришга уринаётганда тўртта Leopard 2 ни йўқотганини айтмоқда. Бундан олдин ҳам немис танклари йўқ қилингани ҳақида хабар берилган. Бироқ кейинчалик Россия Украинада Leopard танкларини эмас, комбайнларни йўқ қилган бўлиши мумкинлиги ҳақида илгари сурилган.
“Замин” янгиликларини “Telegram”да кузатиб боринг
