Россия президенти Владимир Путин ҳарбий мухбирлар билан учрашувда россиялик ҳарбийларнинг Украина Қуролли кучларининг (AФУ) қарши ҳужумини қайтаришдаги йўқотишлари ҳақида гапирди.
«Aгар биз қайтариб бўлмайдиган йўқотишларни олсак, бу ўнга бир нисбатга тенг. Яъни бизда Украина қуролли кучларининг йўқотишларидан 10 баробар кам», — деган Путин.
Шу билан бирга, Путин Россия Қуролли Кучлари шахсий таркибининг йўқотишлари ҳақида Мудофаа вазирлиги эълон қилиши кераклигини таъкидлади.
Путинга кўра, қарши ҳужум давомида Россия кучлари 54 та танкни йўқотган.
Путиннинг қўшимча қилишича, Украина Қуролли кучлари қарши ҳужум пайтида Ғарб томонидан етказиб берилган 160 дан ортиқ танк ва 25-30 фоиз техникани йўқотган.
Россия раҳбари, шунингдек, Украинанинг йўқотишлари улар ҳалокатли даражага яқинлашаётганини таъкидлади.
Россия президенти ой бошида Украина қарши ҳужумни бошлаганини иддао қилиб чиққанди.
Эслатиб ўтамиз, урушдаги йўқотишлар борасида томонла турлича маълумотлар бермоқда. Етакчи ОАВЛарга кўра, уруш шароитида уларнинг қайси бири ҳаққоний эканини исботлаш имконсиз.
“Замин” янгиликларини “Youtube”да кузатиб боринг
