Германия канцлери Олаф Шольц Россия президенти Владимир Путиннинг режаси Украина билан чегараланмаслиги, у “қўшни ҳудудларни босиб олишни” ҳам режалаштираётганини айтди. Бу ҳақда Deutsche Welle хабар берди.
Германия канцлери Путиннинг режаларида қўшни ҳудудларни тортиб олиш ҳам борлигига ишончи комил. Шолснинг фикрича, шу сабабли уруш тугаганидан кейин Украина учун хавфсизлик кафолатлари ҳақида аниқ суҳбат ўтказиш керак.
“Россия президенти аниқ қўшни ҳудудларни ‘ютиб юбормоқчи’: унинг Украинага нисбатан шундай режаси бор ва аниқки, бу унинг Беларусь учун ҳам режасидан ўрин олган”, — дейди Шольц.
Канцлер урушни “музлатиб қўйиш” мумкин бўлган вариантларни ёки Украинанинг айрим ҳудудларини Россия томонидан босиб олинишини қонунийлаштиришни истисно қилди. У Украинани керагича қўллаб-қувватлаш зарурлигини қайд этди.
Шольц Германиянинг Киевга ёрдами давом этишига ишонтириб, бунга мисол тариқасида жанг майдонида шикастланган Ғарб қуролларини таъмирлаш қаринрои келтирди.
