Турк аэрокосмик саноати (TAC) томонидан ишлаб чиқилган T925 Utility вертолёти биринчи марта Paris Airshow кўргазмасида намойиш этилди.
ТАC вертолётлари, самолётлари ва учувчисиз ҳаво воситаларидан иборат кенг ассортиментдаги маҳсулотлари билан дунёдаги энг муҳим авиация саноати кўргазмаларидан бири бўлган Париждаги Paris Airshow кўргазмасидан ўз ўрнини эгаллади.
Кўргазмада компаниянинг анчадан бери устида ишлаб келаётган T925 Utility вертолёти биринчи марта тақдим этилди.
ТАC Бош директори Темел Котил, GÖKBEY вертолётининг Genel maksat" (Умумий мақсад) тоифасидаги биринчи оригинал маҳсулоти эканини ва кўргазмага қўйилган ушбу янги маҳсулот "Genel Maksat-2" вертолёти деб номланганини маълум қилди.
GÖKBEYнинг 6 тонналик синфда 12 кишилик сиғими билан хизмат қилиши мумкинлигини таъкидлаган Котил, янги вертолётнинг хусусиятлари ҳақида шундай маълумот берди:
“Ҳарбий денгиз флоти ўз аскарларини 18 тадан иборат бўлинма шаклда соҳилга олиб чиқади. Уларга каттароқ вертолёт керак. Ушбу маҳсулотни ойиҳалашда денгиз кучларининг эҳтиёжларини ҳисобга олдик. T925 Utility вертолётимиз 20 кишини сиғдира олади. У TCG ANADOLU самолёт ташувчи кемамизга қўна олади, унинг парраклари букланади.
Мудофаа саноати бошқармаси билан Ўрмон хўжалиги бош бошқармаси учун шартнома имзоладик. Ушбу вертолётдан улар учун 8 дона ишлаб чиқарамиз. 4 тонна сувни таший оладиган вертолётларимиз 2026 йилдан бошлаб ўрмон ёнғинларига қарши фаол қўллана бошлайди.
2025 йилда ATAK-2 вертолётларимиз ўз хизматини бошлайди (ATAK -- TAС томонидан ишлаб чиқарилиши режалаштирилган оғир синф ҳужум вертолёти). Қуруқликдаги кучларга 3 дона ATAK-2 етказиб берамиз. Уларнинг двигатели Украинадан келади.
ASELSAN (Ҳарбий элекрон саноат) GÖKBEY вертолётининг авионикасини яратди, ушбу вертолётларга ўша авионикларни жойлаштирмоқдамиз. Биз исталган давлатнинг, исталган кучларнинг -- қуруқлик, ҳаво, денгиз флоти, жандармерия ва полициянинг ҳамда фуқаролик хизматларининг вертолётга бўлган эҳтиёжини қондира оламиз. Шу боис янги вертолётимизнинг аҳамияти жуда юқори. Бир йил ичида вертолётнинг биринчи парвози амалга оширамиз. АТАК-2 етказиб бериш 2025 йилдан, бу вертолётни етказиб бериш эса 2026 йилдан бошланади”.
“Замин” янгиликларини “Youtube”да кузатиб боринг
