«Вагнер» хусусий ҳарбий компанияси (ХҲК) асосчиси Евгений Пригожинга 4 июль куни 24 июнь куни Санкт-Петербург яқинидаги «Северный Версаль» посёлкасидаги уйида тинтув пайтида қўлга киритилган қурол қайтарилди, деб ёзади «Фонтанка» чоршанба, 5 июль куни. Нашрга кўра, гап бошқа нарсалар қаторида ХҲК раҳбарига Россия мудофаа вазири Сергей Шойгу томонидан тақдим этилган Glock мукофот тўппончаси ҳақида бормоқда.
Журналистларнинг таъкидлашича, эгасига қайтарилган арсеналлар орасида иккита «Сайга» карабини, Австриянинг Steyr Mannlicher милтиқ карабини, «АРка» ярим автоматик милтиғи, яна бир нечта милтиқ ва тўппонча бор. Уларнинг сўзларига кўра, Пригожин «ФСБ»нинг Санкт-Петербург ва Ленинград вилояти бўйича бошқармасига қурол-яроғларни олишга расман таклиф қилинган.
Аввалроқ «Фонтанка» ҳамда бошқа ОАВ ва Telegram-каналлари қуролли исён бўйича тергов доирасида Санкт-Петербургда тинтув ўтказиш чоғида Евгений Пригожинга қутиларда топилган 10 миллиард рубль ҳам қайтарилгани ҳақида хабар берган эди. Пригожиннинг ўзига кўра, бу пуллар «Вагнер гуруҳи» жангчиларининг маошлари ва қурбонларнинг яқинларига тўловлар учун мўлжалланган.
“Замин” янгиликларини “Facebook”да кузатиб боринг
