“Вагнер” хусусий ҳарбий кампанияси раҳбари Евгений Пригожин саратон касаллигидан даволанди. Бу ҳақда унинг ходимлари Россиянинг “Проект” нашрига хабар берди.
Маълум қилинишича, гап қорин бўшлиғи атрофидаги саратон ҳақида кетмоқда. Пригожин узоқ вақт давомида касалликдан даволанган ва жиддий терапиядан ўтган. Ҳозирда “ўсимта ҳосил бўлиш жараёни тўхтатилгани” айтилмоқда.
Касаллик туфайли Пригожин соғлом турмуш тарзини олиб бориши ва қатъий диетага риоя қилиши таъкидланади. Унинг узоқ йиллик “ходимларидан” бири сўнгги йилларда у бир стакан лимонад ичганини фақат бир марта кўрганини айтди.
Журналистлар Пригожиннинг дала уйидаги тинтувда реанимация тўшаги, ўпкани сунъий шамоллатиш аппарати ва кислород концентрати бўлган яхши жиҳозланган тиббиёт хонаси топилганини айтди.
“Проект”га кўра, Пригожин Россия президенти Владимир Путиннинг қизи Мария Воронсовага алоқадор “Согаз” элита клиникасида даволанган. У “Дмитрий Гейлер” сохта номи остида “супер VIP” мақомига эга бўлган биринчи мижозлардан бири бўлган. Тинтувлар давомида “Вагнер” раҳбарининг шу номдаги паспорти топилган.
“Замин” янгиликларини “Одноклассники”да кузатиб боринг
