Украина мудофаа вазири Алексей Резников мамлакат учун “Исроил сценарийси” таклиф қилиниши ҳақида гапирди. У бундай хавфсизлик кафолатларини шубҳа остига олишини билдирди. Бу ҳақда The Telegraph хабар берди.
Мудофаа вазири “Катта еттилик” етакчилари Украинага таклиф қилиши керак бўлган “исроилча” кафолатлардан хавотирда эканини айтди.
“Будапешт меморандумидан сўнг (Буюк Британия, АҚШ ва Россия ўртасида 1994 йилги келишув, унда Москва Украинага ҳужум қилмаслик ва унга молиявий таҳдид қилмасликка ваъда берганди) биз ҳеч қандай сармоясиз қоғозларга ишонмаймиз”, — деди у.
Литва президенти Гитанас Науседа ҳам Украина учун “Исроил сценарийси”га шубҳа билдирган. Унинг сўзларига кўра, фақат бешинчи модда хавфсизликнинг ҳақиқий кафолатларини бериши мумкин, чунки “бошқа муқобиллар йўқ”.
Украина учун хавфсизлик кафолатлари — сўнгги янгиликлар
11 июль куни Вилнюсда НАТО саммити бошланди. Украина хавфсизлик кафолатларини олишни, шунингдек, альянсга аъзолик тўғрисида қарор қабул қилинишини кутганди.
12 июль куни G7 давлатлари Украина учун узоқ муддатли хавфсизлик кафолатларини тайёрлагани маълум бўлди. Улар “тарихий” ва Россия билан урушнинг ҳозирги босқичини якунлаш сари қадам деб баҳоланган.
Бундан ташқари, ҳамкорлар Украина билан индивидуал музокаралар ўтказиб, Киевнинг мудофаа қобилиятини ошириш ва Россия ҳужумини тўхтатиш бўйича икки томонлама хавфсизлик мажбуриятларини таклиф қилиш кутилмоқда.
“Замин” янгиликларини “Facebook”да кузатиб боринг
