Беларуснинг Гомел вилоятида маҳаллий чегарачилар ва Россиядан депортация қилинган “Вагнер” жангарилари ўртасида тўқнашув юз берди. Бу ҳақда маҳаллий манбаларга таяниб, Украина Миллий қаршилик маркази хабар берди.
Гостомел вилоятининг Наровля шаҳрида “Вагнер”нинг фронтнинг олди чизиғида жанг қилган гуруҳларини жойлаштириш ишлари бошланган.
“‘Вагнерчи’лар 19 июль куни Украина билан чегарага яқин жойлашган Дятлик қишлоғи яқинида разведка амалиётини (ҳудудни ўрганиш) ўтказган”, — дейилади хабарда.
Таъкидланишича, айнан шу вақт ёлланма аскарлар ва Беларусь чегарачилари ўртасида тўқнашув бўлиб ўтган. Шундан кейин чегарачилар орқага чекинган ва “вагнерчи”ларга халақит бермаган.
Пригожин Беларусда “вагнерчи”ларга мурожаат қилди
“Вагнер” раҳбари Евгений Пригожин 19 июль куни Беларусга келган ёлланма аскарларга мурожаат қилганди. У фронтдаги воқеаларни шармандалик деб таъкидлаган.
“Ҳозир фронтда содир бўлаётган воқеалар шармандалик, унда иштирок этишимиз шарт эмас. Ўзимизни тўлиқ исботлай оладиган вақтни кутинг. Шунинг учун Беларусда бир муддат бўлишга қарор қилинди”, — деган у.
Шунингдек, Пригожин “Вагнер” Беларусь армиясини “дунёнинг иккинчи армиясига айлантириши, агар керак бўлса, уларни ҳимоя қилишини билдирган. У ёлланма аскарлардан беларуслар уларни “нафақат қаҳрамонлар, балки ака-ука” сифатида ҳам кутиб олишганига эътибор қаратишни сўраганди.
“Замин” янгиликларини “Telegram”да кузатиб боринг
