“Оталар ўз фарзандини дафн қилмаслиги керак” – Нью-Йорк мэри ўзбекистонлик йигитнинг жанозасида қатнашди

^{Фото: NY Post}

Ўзбекистонлик муҳожирларнинг АҚШда отиб ўлдирилган 15 ёшли ўғли Фаридун Мавлоновнинг жанозасига Нью-Йорк шаҳри мэри Эрик Адамс ҳам ташриф буюриб, марҳумнинг яқинларига таъзия изҳор қилди.

“У жуда сокин ва тинч бола эди. У UFCда АҚШ чемпиони бўлиш ва иккала давлат байроқларини кўтаришни хоҳлаган эди. Лекин ёш кетди, биз доим у билан фахрланардик”, - деган унинг буваси Умара Камолова. Камолова шунингдек, мэр ва полициядан шаҳарда бу каби фожиаларнинг олдини олишни сўраган.

Нью-Йорк шаҳри мэри Эрик Адамс ҳам масжид келиб йигитнинг жанозасига қатнашди ҳамда марҳумнинг яқинларига таъзия изҳор қилган. Адамснинг сўзларига кўра, қотилликларни тўхтатиш учун расмийлар кўчалар ўқотар қуроллардан тозаланиши керак.

“Кўчаларимизда жуда кўп қурол бор, ёшларимиз орасида зўравонлик ҳам жуда кўп. Шаҳарда ғазаб ва зўравонликни сақлайдиган ёшлар бор. Бу жуда оғриқли. Биз бу оғриқли лаҳзани қабул қилишимиз ва ўз ҳаётимизни болаларни қутқариш учун бағишлашимиз шарт. Ёшлар қўрқинчли даражада ёшларни ўлдирмоқда. Оталар ҳеч қачон ўғлини дафн қилмаслиги керак. Фарзандларимизни йўқотиш бутун шаҳримиз ва бутун мамлакатимиз учун айбловдир. Биз буни ўзгартиришимиз керак, биз жуда кўп ва жуда кўп нарсани йўқотмоқдамиз,” – дея Нью-Йорк шаҳрининг мэри Эрик Адамснинг сўзларини келтирмоқда маҳаллий матбуот.

17 июль куни АҚШнинг Нью-Йорк шаҳрида ўзбекистонлик муҳожирларнинг 15 ёшли ўғли Фаридун Мавлонов ҳалок бўлди. Йигитни 17 ёшли ўсмир отиб ўлдиргани айтилмоқда, полиция қотилни ҳали қўлга ололгани йўқ.