Эквадор президентлигига номзод сайловга зирҳли нимча ва дубулға кийиб келди

^{Фото: Jose Jacome/EPA/ТАСС}

Ўлдирилган Фернандо Вилявисенсио ўрнига «Construye» ҳаракатидан Эквадор президентлигига янги номзод бўлган Кристиан Сурита сайлов участкасига ўқ ўтказмайдиган жилет ва дубулға кийган ҳолда келди.

^{Фото: Оmer Observer}

Овоз бергач, сиёсатчи қуролланган полициячилар ҳамроҳлигида сайлов участкасини тарк этди.

^{Фото: Yahoo News}

Қолган номзодлар ҳам кучайтирилган хавфсизлик чоралари остида овоз беришди, бироқ зирҳли кийимлардан фойдаланишмади.

20 август куни Эквадорда муддатидан олдин президентлик ва парламент сайловлари бўлиб ўтди. Олий давлат лавозимига саккиз номзод даъвогарлик қилмоқда.

^{Фото: El-Pais}

Хавфсизлик билан боғлиқ вазият оғир бўлса-да, сайлов участкалари очилганидан кейинги дастлабки уч соат ичида сайловчиларнинг 20 фоизи иштирок этгани айтилмоқда.

Эслатиб ўтамиз, «Construye» ҳаракатидан Эквадор президентлигига номзод Фернандо Вилявисенсио 9 август куни пойтахт Кито шаҳрида бўлиб ўтган митингдан кейин отиб ўлдирилган, шундан сўнг, Эквадорнинг амалдаги президенти Гилермо Лассо давлат миқёсида фавқулодда ҳолат эълон қилган эди.

Эквадорда бир ҳафтада икки сиёсатчи отиб ўлдирилди

9 август куни кечқурун Эквадор пойтахти Китода номаълум шахслар сайловолди ташвиқоти тадбиридан сўнг машинага ўтирган Вилявисенсионинг бошига уч марта ўқ узди. У тириклик белгиларисиз клиникага олиб кетилди, сўнг вафот этгани эълон қилинди.

Отишмада яна тўққиз киши жароҳат олган, ҳужумчи ҳам ўлдирилган. Республикада 60 кунга фавқулодда ҳолат жорий этилди. Воқеадан сўнг президентликка номзодларнинг етти нафаридан беш нафари сайловолди ташвиқотини тўхтатганини эълон қилди.

15 август куни Эсмералдас провинциясидаги “Фуқаролик инқилоби” сиёсий ҳаракати етакчиси Педро Брионес уйи яқинида номаълум шахслар томонидан отиб кетилди.

Янгиликлар