Беларусь президенти Александр Лукашенко “Вагнер” асосчиси Евгений Пригожин ундан ҳеч қачон хавфсизлик кафолатлари сўрамаганини ва унинг ўлими ортида Путин турмаганини таъкидлади. Бу ҳақда БелТА хабар берди.
Лукашенконинг сўзларига кўра, у Пригожиннинг хавфсизлигини таъминлаши керак бўлмаган.
“Бу биринчидан. Иккинчидан, Пригожин билан суҳбат ҳеч қачон бундай тусда кечмаган. Учинчидан, эсда тутинг: хавфсизлик нуқтаи назаридан унга икки марта мурожаат қилдик. Биринчи марта Москвага марш қилаётган пайти қўнғироқ қилдим ва музокаралар бўлди. Унга одамларни ўлдириб, ўзинг ҳам ўлишингни тушунасанми, деганман.
У жин урсин, ўламан, деб жавоб берган. Ҳозир сенга арқон ва совун бўлаги юбораман, дедим. У йўқ, йўқ, йўқ мен қаҳрамон бўлиб ўламан, деди. Иккинчи марта у Дима Уткин (‘Вагнер’ ўринбосари, у ҳам самолётда бўлган) билан бирга келди. Мен иккаласини ҳам қаттиқ огоҳлантирдим: ‘Йигитлар, қаранглар’”, — деди Лукашенко.
Шунингдек, у Пригожин самолёти ҳалокатига Россия президенти Владимир Путиннинг алоқаси йўқлигини айтди.
“Буни ким қилганини айта олмайман. Ҳатто катта акам учун ҳам адвокат бўлмайман. Лекин мен Путинни биламан. У бошқалар бўйича мураккаб масалалар юзасидан эҳтиёткорона, жуда хотиржам ва секин қарор қабул қилади. Шунинг учун буни Путин қилгани, у айбдор эканини тасаввур қила олмайман. Жуда қўпол, нопрофессионал иш”, — деди Лукашенко.
Лукашенконинг қўшимча қилишича, “Вагнер” “кимгадир қанчалик ёқмаса ҳам, Беларусда яшайди”. У Пригожин билан биргаликда “Вагнер”нинг Беларусда бўладиган тизимини ишлаб чиққанини айтди.
“‘Вагнер’ мамлакатда қолмоқда, аммо кимдир таътилга чиққан, кимдир ҳатто четда яшашга қарор қилган. Бир неча кун ичида ҳамма — 10 000 кишигача шу ерда бўлади. Уларни бу ерда сақлашнинг ҳожати йўқ. Шунинг учун улар ҳеч қаерга қочиб кетмайди”, — дейди Лукашенко.“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
