“Байден ғазабланган”: Зеленскийнинг 2021 йил АҚШга ташрифи ҳақида маълумот берилди

Америкалик журналист ва ёзувчи Франклин Фоер “Охирги сиёсатчи: Жо Байденнинг Оқ уйи ичида ва Америка келажаги учун кураш” китобини нашр этишга тайёрланмоқда. Ёзувчи унда Украина президенти Владимир Зеленскийнинг Оқ уйга ташрифининг айрим тафсилотларини келтириб ўтади.

Тhе Guardian нашри китоб нусхасини қўлга киритган. Унда икки сиёсатчи ўзаро келишувга эриша олмагани, Киевнинг НАТОга аъзолик бўйича агрессив талаблари Байденни “ғазаблантиргани” ёзилган.

“Байден маъмуриятидаги Зеленскийнинг энг ашаддий тарафдорлари ҳам у учрашувни муваффақиятсизликка олиб келганига қўшилади”, — дейилади китобда.

Фоер Байденнинг 2022 йил февралида Россия босқинидан кейин Украинани қўллаб-қувватлаш бўйича етакчилигини олқишлаб, АҚШ президенти “ўз ёшига мос одам” эканини ёзган.

“2019 йилда сайланган ва Россиянинг доимий босими остида Зеленский узоқ вақтдан бери Оқ уйда учрашув ўтказишга интилганди. Дональд Трамп унга рад жавобини берган, чунки у рақибларга, шу жумладан Байденга ёрдам беришдан бош тортган”, — дейилади китобда.

Ёзувчининг таъкидлашича, Зеленский “ушбу воқеадан эски гиналарни” ўзида сақлаган. Украина президенти 2021 йил бошида “Шимолий оқим 2”ни қурган Россия компаниясига қарши санкцияларни бекор қилиш ҳақидаги қарори туфайли Байденни “кучсиз” ҳисоблагани таъкидланади.

Байден Зеленский билан учрашишга рози бўлган, лекин “у ҳақида юқоридаги каби фикрда эмас эди”, деб ёзади Фоер.

Президентлар учрашув олдидан журналистлар олдидаги нутқининг расмий стенограммасида ўзаро ҳурмат ва умумий сиёсий мақсадлар тўғрисидаги баёнотлар мавжуд.

“Аммо учрашув бошлангандан кейин. Зеленский Байденнинг кутилмаларини унутганга ўхшайди ва унинг ахлоқий кодексларини эътиборсиз қолдирган. Байден украиналик ҳамкасбидан АҚШ қўллаб-қувватлагани учун миннатдорлик кутган. Зеленский эса суҳбатни узун талаблар рўйхати билан давом этган. Уларнинг асосийси: Украина НАТОга қўшилиши кераклиги эди”, — дейди ёзувчи.

Ўшанда Байден 78, Зеленский 43 ёшда эди. Катта президент “ёшнинг ғайратини бостириш учун баъзи доноликларни кўрсатишга ҳаракат қилди. Жумладан, Украинанинг НАТОга аъзо бўлиши учун етарлича ёрдам бўлмаганини таъкидлади.

“Зеленскийнинг умидсизлиги унинг мантиқий қобилиятини тўсиб қўйди. НАТОга аъзо бўлишни илтимос қилгандан сўнг, у ташкилот аслида тарихий ёдгорлик экани ва аҳамияти пасайгани ҳақида гапирди. У Байденга Франция ва Германия НАТОдан чиқишини айтди. Бу бемаъни таҳлил ва очиқ қарама-қаршилик бўлиб, Байденни ғазаблантирди”, — дейилади китобда.

Янгиликлар