Путин Россия ва Ўзбекистон муносабатларининг ривожланиши ҳақида гапирди

Владимир Путин Ўзбекистон президенти Шавкат Мирзиёевни Мустақиллик куни билан табриклади.

Россия раҳбари ўз қутловида икки давлат ўртасидаги муносабатлар муваффақиятли ривожланаётганини таъкидлади.

«Мамлакатларимиз ўртасидаги муносабатлар стратегик шериклик ва иттифоқчилик руҳида муваффақиятли ривожланмоқда. Москва ва Тошкентнинг МДҲ, ШҲТ, БМТ ва бошқа кўп томонлама тузилмалардаги ҳамкорлиги яхши самара бермоқда.

Биргаликдаги саъй-ҳаракатлар билан конструктив икки томонлама алоқаларни барча соҳаларда, дўст халқларимиз фаровонлиги учун, минтақавий хавфсизлик ва барқарорликни мустаҳкамлаш йўлида бундан буён ҳам изчил ривожлантириб боришимизга ишонаман», дейилади табрик мактубида.

Шу билан бирга, Путин ўзбекистонлик ҳамкасбига «мустаҳкам соғлик ва муваффақиятлар», Ўзбекистоннинг барча фуқароларига эса «тинчлик-осойишталик ва равнақ» тилади.

Шухрат Раззаков

«ЗАМИН.УЗ» муҳаррири