Ўзбекистонликнинг қорамолларини ўзлаштириб олган қирғизистонлик мансабдор қамоққа олинди

Қирғизистон Миллий хавфсизлик давлат қўмитаси Ўзбекистон фуқаросининг 9 бош қорамолини ўзлаштириб, уни қайтариб бериш эвазига 2 минг АҚШ доллари талаб қилган мансабдорни қўлга олди.

Мамлакат МХДҚ ахбороот хизмати хабарига кўра, Ўзбекистон фуқароси Қўмитага ариза билан мурожаат қилган. У Олабуқа тумани Кўктош қишлоқ округи «Жайыт комитети» раиси К.К. га нисбатан чора кўришни сўраган. Аризачининг сўзларига кўра, унга тегишли тўққиз бош қорамолни мазкур шахс ноқонуний сақлаб келган ва 2 минг АҚШ доллари эвазига қорамолларни қайтариб беришини айтган.

Мазкур ҳолат юзасидан айни пайтда «Товламачилик» моддаси бўйича жиноят иши қўзғатилган.

К.К. товламачилик суммасининг бир қисмини – 1 минг АҚШ долларини олаётган вақтида жиноят устида қўлга олиниб, икки ой муддатга Миллий хавфсизлик давлат қўмитасининг Жалолобод вилоятидаги вақтинчалик сақлаш ҳибсхонасига жойлаштирилди.

Ҳозирда тергов давом этмоқда.

Янгиликлар