Чучварадан балиққача: Путин Ким Чен Инни қандай таомлар билан сийлади?

Россия президенти Владимир Путин ва Шимолий Корея етакчиси Ким Чен Ин ўртасидаги музокаралардан сўнг бўлиб ўтган тушлик менюси эълон қилинди.

Менюга кўра, Ким Чен Ин камчатка қисқичбақасидан тайёрланган чучвара билан меҳмон қилинган. Менюда қўзиқорин ва картошка билан тортилган бакра балиғи, оқ амурдан уха (шўрва), печда пиширилган сабзавот ва мармар мол гўштидан антрекот (француз таоми), анжир ва нектаринли ўрдак салати.

Шимолий Корея етакчиси десерт сифатида кедр ёнғоқлари ва қуюлтирилган сутли брусника билан сийланган.

“Буларнинг барчаси дастлаб президентларнинг ошпазлари билан муҳокама қилинади, сўнгра ҳар бир томон танловига асосан соғлом ва организмда яхши сўриладиган турли хил меню тузилади”, — дейди Россия ошпазлар уюшмаси аъзоси Анатолий Крюков.

У ушбу даражадаги менюда ҳар қандай мамлакат делегациясининг танлови ҳисобга олинишини эслатди.

4 сентябрь куни Путин туркиялик ҳамкасби Ражаб Тоййиб Эрдўғоннинг Сочига ташрифида уни шоҳона меҳмон қилганди. Менюдан иккита газак, шўрва, танловга асосан иккита иссиқ таом ва ширинлик ўрин олганди.

Шухрат Раззаков

«ЗАМИН.УЗ» муҳаррири