Путин ва Ким Чен Ин бир-бирига қандай совға берди?

Россия президенти Владимир Путин ва Шимолий Корея раиси Ким Чен Ин бир-бирига совға берди. Бу ҳақда Россия президенти матбуот котиби Дмитрий Песков маълум қилди, дея ёзади РИА Новости.

“Путин Корея етакчисига коинотда бир неча бор бўлган космик скафандр қўлқопи ва энг юқори сифатли маҳаллий карабин (қисқа стволли милтиқ) совға қилди”, — деди Песков.

КХДР етакчиси россиялик ҳамкасбига эса Шимолий Корея усталари ишлаб чиқарган карабин ва бошқа совға берган.

Ким Чен Ин 2019 йилдан бери биринчи марта Россияга расмий ташриф билан келди. У ўзининг машҳур зирҳли поездида келди. Шимолий Корея раҳбари Путин билан “Восточный” космодромида музокаралар ўтказди.

2019 йилда Путин Ким Чен Инга шамшир ва йўл чой сервизини совға қилган, Путинга эса анъанавий корейс қиличи тортиқ қилинган эди.

Янгиликлар