737
14 сентябрга ўтар кечаси Украина Евпатория шаҳридаги (Қрим) рус ҳарбийларининг ҳаво ҳужумидан мудофаа тизимининг муҳим таркибий қисмларидан бири бўлган С-400 “Триумф” зенит-ракета тизимини йўқ қилди.
Тегишли операция Украина разведкаси ва ҳарбий-денгиз кучлари контрразведка ходимлари томонидан амалга оширилди. С-400 “Триумф” дронлар ва Украинада ишлаб чиқарилган Нептун қанотли ракеталари билан ҳужумга учраган.
Манбаларнинг аниқлик киритишича, дронлар дастлаб Россия тизимининг радарлари ва антенналарига зарба берган. Радиолокацион станциялар ишдан чиққандан сўнг, ҳарбий-денгиз кучлари С-300/400 Триумф учириш комплексларига иккита Нептун ракетасини учирган.
Украина разведкаси “Қримда русларни янги кутилмаган сюрпризлар кутаётгани”ни қайд этди.
С-400 “Триумф” нима?
С-400 С-300 нинг такомиллаштирилган версияси ҳисобланади. Ҳаво нишонларини: стратегик ва тактик авиация, баллистик ва гипертовушли ракеталар, разведка самолётлари, дронларни йўқ қилишга мўлжалланган. С-400 комплекси 400 километр радиусдаги нишонларга зарба бера олади.
Тизим муҳим объектларни ҳимоя қила олади, шунингдек, қуруқликдаги кучларни қамраб олади. У илк бор 2007 йилда Россия армияси хизматига топширилган. С-400 тизимининг нархи 1,2 миллиард долларга баҳоланмоқда.
«Замин»ни Telegram’да ўқинг!
12:52, 17-04-2025
