Украина ҳарбийлари асирга олинган россиялик аскарларни махсус операция зонасидаги миналаштирилган майдонга жўнатди, деб хабар берди РИА Новости ўзининг манбасига таяниб.
"Видео Украина дала истеҳкомидан топилган телефонда бўлган. Унда Украина ҳарбийлари асирга олинган россиялик аскарларни миналаштирилган майдонга "Агар у ердан ўтсангиз, озод бўласиз" деган сўзлар билан ҳайдамоқда”, — деди агентлик суҳбатдоши тегишли видеони кўрсатиб.
Унга тақдим этилган видеода Украина қуролли кучларининг бир гуруҳ аскарлари қурол билан Россия армияси кийимидаги қуролсиз одамларни далага ҳайдаб, “Мана, “озод қилувчилар”, “яхши келишяпти” дейишаётгани акс этган.
Шунингдек, украиналик жангарилардан бирига асирлардан бирининг юриши ёқмади ва у томонга қарата ўқ узди. Видео охирида асирлардан бири томонида портлаш юз берганини кўриш мумкин.
Интернетда россиялик ҳарбий хизматчиларни шавқатсизлик билан жазолаш ёки қийноқлар акс этган видеолар бир неча бор пайдо бўлган. Ўтган йилнинг ноябр ойида украиналик аскарлар таслим бўлган ва ерда ётган рус аскарларини отиб ташлаган видео пайдо бўлганди. Инсон ҳуқуқлари бўйича кенгаш раиси Валерий Фадеевнинг сўзларига кўра, бу воқеа ЛХРнинг Макеевка қишлоғида содир бўлган. Асирга олинган рус аскарларининг оёқларига ўқ узилгани акс этган видео ҳам пайдо бўлди. Бундан ташқари, Украина асирлигидан қайтган ҳарбий хизматчилар қийноқлар ҳақида гапирди: сўроқ пайтида улар оёқларини отиб, бармоқларини кесиб, арматура ва электр токи билан уришган.
Аввалроқ БМТ Инсон ҳуқуқлари бўйича комиссиясининг Украина бўйича тергов комиссияси ҳисоботида украиналик аскарларнинг россиялик ҳарбий асирларни отиб, қийноққа солиш орқали ҳарбий жиноятларини содир этгани ҳақида хабар берган эди. БМТ миссияси Украина қўшинлари томонидан россиялик асирларга нисбатан 25 та мана шундай ҳолат ҳақида хабар берди. Бундан ташқари, Украина россиялик ҳарбий асирларни отиб ташлаган ўз аскарларига нисбатан жиноий иш қўзғатмади, гарчи бир неча қатл ҳужжатлаштирилган бўлса ҳам, деди БМТ ОҲЧР раҳбари Фолькер Тюрк.
Жорий йилнинг июл ойида Россия Тергов қўмитаси украиналик жангарилар томонидан россиялик ҳарбий асирларга нисбатан шафқатсизлик билан муносабатда бўлиш фактлари юзасидан текширув ўтказилиши ҳақида хабар берганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Орзудаги уй — қишда иссиқ, ёзда салқин. Бунга қандай эришиш мумкин?
Путин Хитой талабаларига қандай маслаҳат берди?
“Умра” зиёратига бориб келиш тартиби такомиллаштирилади
Пневматик қуролларни ўз ихтиёри билан топширганлар жавобгарликдан озод этилади
Эрон президентини олиб кетаётган вертолёт ҳалокатга учради
Мансаб пиллапоялари: унга кимлар муносиб?
Шимолий Корея янги кўрсаткичларга эга баллистик ракетани синовдан ўтказди
Путин ва Си Цзиньпин учрашувидаги "ишора" штатларда ваҳима уйғотди
