Немис ишбилармонлари Ўзбекистондан ишчи кучи жалб этиши мумкин

Германиянинг оммабоп Heilbronner-Stimme газетасида «Марказий Осиёнинг аҳамияти ортиб бормоқда» сарлавҳали мақола чоп этилди, дея хабар бермоқда «Дунё».

Мақола муаллифи Юрген Паул геосиёсий жиҳатдан муҳим аҳамиятга эга бўлган Марказий Осиё давлатлари бугунги кунда дунё мамлакатлари билан ҳамкорлик алоқаларини тобора ривожлантиришга интилмоқда, дея таъкидлаган.

«Аҳолиси 36 миллиондан иборат Ўзбекистонда ёшлар аҳолининг катта қисмини ташкил этади. Ўзбекистон ҳукумати ёшларнинг хорижга таълим олиши ва ишга чиқишини турли усулларда қўллаб-қувватламоқда. Бир неча ҳафта илгари юқори даражадаги Ўзбекистон делегацияси Германияга, Баден-Вюртемберг федерал еридаги фирма ва компанияларга ташриф буюрган ва бўлиб ўтган музокараларда Ўзбекистон томони немис ишбилармонларига ишчи кучи жалб этиш бўйича ўз таклифларини маълум қилган», - қайд этади муаллиф.

Мақола интиҳосида «29 сентябр куни «Марказий Осиё-Германия» давлат раҳбарларининг биринчи саммити бўлиб ўтди. Марказий Осиё давлат раҳбарлари дастлаб Германия федерал президенти Франк-Валтер Штайнмайер билан учрашди. Шу куннинг ўзида Марказий Осиё давлатлари раҳбарлари ва Германия федерал канцлери Олаф Шолц иштирокида учрашув бўлиб ўтди, унда томонлар ҳамкорлик истиқболларини муҳокама қилди», - деб ёзган Heilbronner-Stimme.

Шухрат Раззаков

«ЗАМИН.УЗ» муҳаррири

Мавзуга оид янгиликлар

Пасха сулҳи бузилгани ҳақида ҳар икки томондан дастлабки айбловлар

Бугун, 16:19

Трамп Россия ва Украина яқин кунларда келишувга эришишига умид билдирмоқда

Бугун, 15:56

Рим папаси Франциск 88 ёшида вафот этди: Ватиканда мотам эълон қилинди

Бугун, 14:54

Исроил бош вазири Нетаняҳу: Ғазода жанг қилишдан бошқа йўл қолмади

Бугун, 12:03

Хитой АҚШ билан келишувга киришаётган давлатларга кескин огоҳлантириш берди

Бугун, 11:43

Эрон армияси янги ва махфий сунъий интеллект қуролини тақдим этди

Бугун, 10:28