Японияда 6,6 магнитудали зилзила юз берди. Сунами хавфи эълон қилинди

5-октябр куни эрталаб Япония Метеорология агентлиги Тинч океанининг ғарбий қисмида содир бўлган 6,6 магнитудали зилзиладан кейин сунами хавфи ҳақида огоҳлантирди. Агентлик Изу занжиридаги ороллар соҳилида тўлқинлар 1 метргача кўтарилишини прогноз қилди.

Баландлиги 0,2 метргача бўлган тўлқинлар шарқдаги Тиба префектурасидан ғарбдаги Кагосима префектурасигача чўзилган ҳудудга етиб бориши тахмин қилинмоқда, деб хабар берди Тҳе Жапан Times.

Зилзила соат 11:00 да (Тошкент вақти билан 07:00) Изу ороллари занжиридаги Торисима яқинида 10 километр чуқурликда содир бўлган.

Соҳилбўйи ҳудудларида ва дарёлар яқинида яшовчи одамларга баландроқ ерга чиқиш тавсия этилмоқда.