Зеленский: “Россия ҲАМАС ҳаракатларини қўллаб-қувватлаётган давлатлардан бири”

Украина президенти Владимир Зеленскийнинг таъкидлашича, Россия ҲАМАС гуруҳи ҳаракатларини қўллаб-қувватлаётган давлатлардан бири.

УНИАН ахборот агентлиги мухбирининг хабар беришича, давлат раҳбари Бухарестда Руминия президенти Клаус Йоханнис билан қўшма матбуот анжуманида шундай деди.

“ҲАМАС ортида ким турибди? Менимча, жавоб жуда оддий: уларни қўллаб-қувватлаётганлар. Кўриб турибмиз — улар ҲАМАСни омма олдида қўллаб-қувватлаяпти, қурол билан қўллаб-қувватлаяпти. Бу узоқ вақтдан бери давом этяпти”, — деди Зеленский.

“Ижтимоий тармоқларда ҳам тегишли сигналларни кимлар бераётганини кўришингиз мумкин. Биз ишонамизки, Россия — ҲАМАСга ёрдам бераётган давлатлардан бири”, — дея таъкидлади Зеленский.

Аввалроқ Россия Хавфсизлик кенгаши раиси ўринбосари Дмитрий Медведев ўзининг Telegram каналида Украинага берилган қуроллар Исроилда фаол қўлланаётгани, кейин эса барча қайноқ нуқталарда назоратсиз қўлланиши мумкинлигини ёзганди.