Чехия мудофаа вазири Яна Чернохова Бош ассамблея томонидан Яқин Шарқдаги вазият бўйича қабул қилинган резолюция туфайли мамлакатни БМТдан чиқишга чақирди. Бу ҳақда у Х ижтимоий тармоғида маълум қилди.
“Уч ҳафта олдин ҲАМАС 1400 дан ортиқ исроилликни ўлдирди, 11 сентябрда "Ал-Қоида" томонидан АҚШдаги терактда ҳалок бўлган аҳолидан кўпроқ қурбон. Фақат 14 давлат, жумладан бизники ҳам ҲАМАС томонидан содир этилган ушбу мисли кўрилмаган ҳужумга аниқ қаршилик кўрсатди. Мен БМТ учун уяламан”, — деди Чернохова.
Унинг сўзларига кўра, Чехияга “террорчиларни” қўллаб-қувватловчи ва ўзини ҳимоя қилишнинг асосий ҳуқуқини ҳурмат қилмайдиган ташкилотда ўрин йўқ.
27 октябрь куни БМТ Бош Ассамблеяси араб давлатларининг Фаластин-Исроил можароси ҳудудида зудлик билан сулҳ тузишга чақирувчи резолюциясини қабул қилди.
120 давлат, жумладан, Ўзбекистон уни ёқлаб овоз берди, 45 давлат бетараф, 14 давлат қарши чиқди: Исроил, АҚШ, Австрия, Хорватия, Чехия, Гватемала, Венгрия, Marshалл ороллари, Микронезия, Папуа-Янги Гвинея, Парагвай, Тонга ва Фижи.
Исроилнинг БМТдаги доимий вакили Гилад Эрдан бундан кейин Бирлашган Миллатлар Ташкилотининг “энди қонунийлик ёки аҳамияти йўқлигини” айтди.
“Замин” янгиликларини “Telegram”да кузатиб боринг
