Украина қўшинлари Херсон вилоятидаги Днипронинг эгаллаб олинган чап қирғоғида ўз мавжудлигини кенгайтирди, деб хабар қилмоқда OSINT-таҳлилчилар ва россиялик ҳарбий блогерлар. Ушбу маълумотларни таҳлил қилгандан сўнг, Америка урушни ўрганиш институти (ISW) 8 ноябр, чоршанба куни ёзишича, бу Россиянинг кучли саъй-ҳаракатлари Украина Қуролли кучларига қўшимча ҳарбийлар (тахминан бир баталён, 300 дан ортиқ аскар) ва техникани жанубий қирғоққа ўтказишга тўсқинлик қилмаганидан далолат беради.
Шу билан бирга, ISW таҳлилчилари таъкидлашича, улар Днипронинг «шарқий қирғоғида давом этаётган Украина фаоллигининг истиқболлари» ҳақида прогноз беришдан тийиляпти.
Бир кун олдин OSINT-таҳлилчи Astraia Intel X микроблоглар хизматида Кринки қишлоғи ҳудудида Украинанинг HMMWV зирҳли машинаси ёнаётгани акс этган видеолавҳаларни эълон қилди. Аввалги кунларда, 6 ва 7 ноябрда бир қатор россиялик ҳарбий блогерлар Украина зирҳли транспортёрини сузувчи транспортер (ПТС) ёрдамида чап қирғоққа ўтказишга уринишлар ҳақида ёзган эди. Украина томони бу маълумотни тасдиқламади.
Conflict Intelligence Team асосчиси Руслан Левиев Украинадаги жанговар ҳаракатларнинг бориши ҳақидаги навбатдаги ҳисоботида ушбу хабарларга эътибор қаратди. Айни пайтда у Украина Қуролли кучларининг бундай кўприклар орқали кенг кўламли ҳужумни ривожлантириш ва Херсон вилояти жанубига ўтиш қобилиятига шубҳа билан қараяпти. Бунинг учун, Левиевга кўра, «нормал ҳолатда ишлайдиган таъминот» зарур, уни «хоҳ қандайдир кўприк ёки сузувчи қурилмалар» бўлмасин, жиддийроқ логистика воситаларисиз таъминлаб бўлмайди. «Албатта, бу ҳолатда, афтидан, бир марта зирҳли техникани ўтказиш муваффақиятли бўлган, аммо бу кенг кўламли ҳужум операцияси учун нормал таъминотни тақдим эта олмайди», деди ҳарбий эксперт.
“Замин” янгиликларини “Telegram”да кузатиб боринг
