Bild ҳарбий эксперти Юлиан Рёпке Россия Авдеевкада янги тактика қўллаётганини маълум қилди. У рус қўшинлари Авдеевкани қўлга киритишга уриниб, 3000 га яқин одамини йўқотганини айтди.
Воқеа жойидан олинган кадрларда рус аскарларининг жасадлари билан қопланган миналанган майдонларни кўриш мумкин. Шу билан бирга, Россия қуролли кучлари 270 га яқин зирҳли техникасини йўқотган. Шунинг учун улар Авдеевкани “пиёда ўраб олиш” тактикасига ўтган. Рёпке буни “Бахмут тактикаси” деб ҳам атайди.
Ҳужум, асосан, вагнерчилар Бахмутда қилганидек, пиёда қўшинлар томонидан амалга оширилади.
Bild эксперти Авдеевкадаги Украина гарнизонини 2000-3000 жангчи деб ҳисоблайди. Уларда ҳали ҳам Ғарб зирҳли машиналари, жумладан, Бредли пиёдаларининг жанговар машиналари ва Leopard-2 танклари мавжуд. Рёпке Россия қуролли кучларининг катта йўқотишлари уларнинг муваффақиятсизлигидан далолат беришига ишонмайди. У буни “сифат ўрнига миқдор” тамойилига асосланган Москванинг атайлаб уюштирган тактикаси деб атайди ва Бахмутда шундай бўлганини эслайди. У ерда Россия ва Украина қуролли кучларининг йўқотишлари 10: 1 нисбатда бўлган, аммо охир-оқибат рус қўшинлари шаҳарни эгаллаб олган.
Таҳлилчининг фикрича, ҳозир ҳам худди шундай ҳолат юз бермоқда. Бу русларнинг Степовое қишлоғига муваффақиятли юришини ва Авдеевка шимолидаги темир йўл линиясини енгиб ўтишини эслатади.
