Украина ҲК Россиянинг учта Су-34 қирувчи-бомбардимончи самолётини уриб туширганини даъво қилмоқда. Украина ҲК қўмондони Николай Олешчук 22 декабр, жума куни Telegram’да бу воқеа шу куни тушга яқин жанубий йўналишда содир бўлганини ёзди.
Олешчук операция ҳақида ҳеч қандай маълумот бермади, шунингдек, у амалга оширилган аниқ жойни ҳам айтмади. УҚК Ҳарбий кучлари расмий вакили Юрий Игнат телемарафонда операцияни Ҳарбий кучлари қўмондони Николай Олешчук режалаштирганини маълум қилди.
Россия жамоатчилиги камида битта самолёт йўқ қилинганини тасдиқлади
Россиянинг урушпараст Fighterbomber Telegram-канали Patriot зенит-ракета комплекси ёрдамида камида битта самолёт уриб туширилганини тасдиқлаб, қулаш чоғида омон қолган учувчиларни қутқариш операцияси суратларини эълон қилди. Уларнинг ҳақиқийлиги ҳали мустақил манбалар томонидан тасдиқланмаган.
Уриб туширилган рус самолётлари ҳақидаги хабардан сал олдин Германия ҳарбий-ҳаво кучлари X ижтимоий тармоғида яқинда Украинага иккинчи Patriot ҳаво мудофаа тизими етказиб берилгани ва украиналик аскарларнинг иккинчи гуруҳи ҳам ўқитилганини ёзди.
Украина Миллий хавфсизлик ва мудофаа кенгаши котиби Алексей Данилов Украина радиоси эфирида қирувчи-бомбардимончи самолётлар йўқ қилингани ҳақидаги маълумотни шарҳлар экан, УҚК узоқ вақт давомида жанубий йўналишда мудофаа кучлари учун муаммолар яратган Россиянинг Су-34 самолётларини «овлаб» келганини айтди.
“Замин” янгиликларини “Telegram”да кузатиб боринг
