Украина президенти Володимир Зеленский 2024 йил учун мудофаа кучларидан фойдаланиш стратегияси белгиланишини маълум қилди. У Олий бош қўмондоннинг йил якунига бағишланган йиғилиши бўлиб ўтгани ҳақида хабар берди.
«Биз йилнинг ҳарбий натижаларини сарҳисоб қилдик. Биз жанговар ҳаракатлар натижаларини ва қарорларимизни таҳлил қилдик. Нимани тўғри қилдик ва нимани яхшироқ қилишимиз мумкин эди. Ушбу хулосалар, прогнозлар ва имкониятларимизни ҳисобга олган ҳолда, биз келгуси йил учун мудофаа кучларидан фойдаланиш бўйича ҳарбий ҳаракатлар стратегиясини белгилаб олдик», деди Зеленский.
Унинг таъкидлашича, бу йил Украина «қуруқликда ҳеч бир йўналишда чекинмади, денгизни қайтариб олди ва осмонни хавфсизроқ қилди».
«Биз бир жамоа бўлиб ишлашда давом этамиз. Украина ғалабаси учун бор кучини берган ҳар бир кишига раҳмат», деди давлат раҳбари.
“Замин” янгиликларини “Telegram”да кузатиб боринг
