12:19 / 04.03.2015
9 890

Канададаги сирли туннелни ким қазигани фош этилди

Канададаги сирли туннелни ким қазигани фош этилди

Канаданинг Торонто шаҳрида топилган туннелнинг сири очилди, дея хабар бермоқда Meduza. Полициянинг жамоатчиликка ёрдам сўраб мурожаат қилгани фойда бериб, ушбу ер ости иншоотини қурган 20—30 ёшлардаги икки киши топилди.

Улар буни шахсий сабабларга кўра — шунчаки «туннель қазимоқчи бўлиб» амалга оширган.

Полиция ушбу эркакларнинг жамоатчилик хавфсизлигига зиён етказиши мумкин бўлган режалари бўлмаганини хулоса қилди. Тергов доирасида жиноий иш очилмаганлиги учун полиция туннелни қазиганлар ҳақида ҳеч қандай ахборотни ошкор қилмади.

Эслатиб ўтамиз, сирли туннель 2015 йил ёзида Панамерика ўйинлари доирасида теннис бўйича мусобақа бўлиб ўтадиган кортлар яқинида топилган эди.

Ер ости йўлагининг узунлиги тахминан 10 метр, кенглиги ва баландлиги 2 метрни ташкил этади. Шифт профессионал равишда қозиқоёқлар билан маҳкамланган.

Патруль полициячиси уни 14 январда топиб олган, бу ҳақда расман 24 февраль куни маълум қилинган.

Манба: www.daryo.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Канададаги сирли туннелни ким қазигани фош этилди