Германия қисқартирилган иш ҳафтасини синовдан ўтказади

^{Фото: Ben Kilb/Bloomberg}
Германияда меҳнат бозоридаги инқироз туфайли 4 кунлик иш ҳафтаси синовдан ўтказилади. Иш кунларининг қисқариши ҳақида Bloomberg хабар берди.

1 феврал куни Германияда 4 кунлик иш ҳафтасининг 6 ойлик синов даври бошланади. Лойиҳада 45 та компания иштирок этмоқда. Тажриба тугагандан сўнг, иш ҳафтасини қисқартириш ишлаб чиқариш унумдорлигига таъсир қиладими ёки йўқлиги аниқланади. Лойиҳа меҳнат бозори инқирози фонида иқтисодиётни тиклаш мақсадида ишга туширилмоқда.

Қайд қилинишича, агар иш кунларининг сони қисқартирилса, ходимларнинг иш ҳақи аввалгидек қолади. Тажрибада иштирок этаётган компаниялардан бири раҳбари Сорен Фрикнинг ишончи комилки, 4 кунлик дастур ходимларнинг мотивацияси ва самарадорлигига фойдали таъсир кўрсатади. “Замин” янгиликларини “Telegram”да кузатиб боринг