Россия қўшинлари Авдеевканинг 10 фоизини эгаллаб олди

^{Фото: Instagram/libkos}
Россия Авдеевка шаҳрининг ўн фоиз ҳудудини эгаллаб олди. Бу ҳақда Bild таҳлилчиси Юлиан Рёпке хабар берди.

Декабрь ойида Россия қуролли кучлари Авдеевка жануби-шарқида, Донецк ҳалқа йўли яқинидаги саноат зонасини назорат остига олди. Эндиликда эса улар биринчи марта шаҳарнинг микрорайонини ҳам эгаллаб олди. У саноат зонасининг ғарбий томонида жойлашган бўлиб, у ерда хусусий уйлар мавжуд.

Россия қўшинлари у ердан шимолга, кўп қаватли уйлар жойлашган Химик тумани йўналиши бўйича олдинга силжишга уринмоқда. Ҳозирча Украина қуролли кучлари бу ҳужумларни қайтаришга муваффақ бўлмоқда.

Рёпке руслар томонидан босиб олинган ҳудуд шаҳар умумий майдонининг 10 фоизини ташкил қилади, деб ҳисоблайди.
Рёпкенинг эслашича, Москванинг дастлабки режаси Авдеевкани ғарбдан ўраб олиш, Степовое ва Северное бўйлаб олдинга силжиш эди. Ҳозирча бу уринишлар муваффақиятсизликка учради ва Россия Қуролли кучлари катта йўқотишларга дучор бўлмоқда.

“Душманнинг қисман олдинга силжишига қарамай, Украина қуролли кучлари ушбу жангда душманнинг юзлаб техникаси ва минглаб аскарларини йўқ қилишга муваффақ бўлди”, — деб ёзади Bild. “Замин” янгиликларини “Telegram”да кузатиб боринг